2017

Яг одоо цагын зүү 01:22 минутыг зааж байна. Гайхалтай гэмээр шинэ он гарахад ердөө 11хэн цаг гаруй хугацаа үлджээ. ☺ 2017 Миний хувьд амжилт, ололт тийм ч их байгаагүй ч гэсэн амьдралыг минь өөрчлөх шинэ санаа, танихгүй улс, шинэхэн найзууд, зоригтой ч эрсдэлтэй алхам зэргээр дүүрэн жил байлаа. Магадгүй бурхан надад 2018 онд гаргах амжилт, ололтондоо бэлд гэж бүхэл бүтэн нэг оныг өгсөн биз. . Би бэлдсээр, бэлдсээр л байгаа. Харин манай клубын хувьд үнэхээр үр өгөөжтэй сайхан жил байлаа шүү. 

Бид үргэлж халуун сэтгэлээр хүмүүст тусалдаг.

Бид үргэлж сайн сайхан зүйл рүү тэмүүлдэг.

Бид нэг гэр бүл болоод хэдийнээ хоёр жилийг ардаа үджээ  Энгийн юм шиг хэрнээ тэр өвөрмөц сайхан хүмүүсийг надад бэлэглэж нэг гэр бүл болгосон бурхандаа талархъя. Бидний зүрх нэгэн хэмээр цохилж, бидний сэтгэл нэгэн зүгт тэмүүлж байгаа цагт бид зогсохгүй. Би та нартаа маш их хайртай шүү. Дахин баярлалаа. МАИДСОНК ❤❤❤

КРОР. Үнэхээр гоё

Юуны өмнө баярлалаа гэж хэлье. Би крор сонсдог болоод маш олон жил болсон байна. T-ara, Speed, Exo, BIG BANG, SNSD, 2ne1, Sistar, Kard, BTS, Shinee, Superjunior, Exid, GOT7, 4 minute, Miss a, Girls day, Black Pink гэх мэт маш олон хамтлаг сонсдог. Крор сонсох нь надад хамгаас илүү аз жаргалыг авчирдаг. Шантарч, шаналж ганцаардсан, баярласан үедээ сонсож би аз жаргалыг мэдэрдэг. Энэ нь надад хүнийг хүндлэх хайрлах зүйлсүүдийг зааж өгдөг. Маш олон төрлийн хүсэл мөрөөдлийг надад бий болгож өгдөг үнэхээр гайхалтай хөгжмийн урсгал. Боломж олдвол уулзаж үзнэдээ гэсэн найдлага тээж маш олон залуучууд крор сонссоор л байгаа байх. Олон залуусыг хүсэл мөрөөдөлтэй болгосон Крор хөгжмийн урсгалдаа бааярлалаа. Энэ олон хамтлагууд дундаас BIG BANG миний хамгийн дуртай хамтлаг.

Нэг л өдөр

Төрхөөсөө л үзэсгэлэнтэй байсан
Түүний хамар өндөр, нүд нь тод
Түүний инээж байгаа нь яг л өглөөний нар шиг гэрэлтдэг
Таныг харах болгонд сайхан мэдрэмж төрдөг
Одоо хүртэл та өсвөр насны охин шиг харагдаж байна
Таны хөдөлгөөн чинь үнэхээр өхөөрдөм
Та тэрийгээ мэдэх үү?
Хөөрхөн, тайван, өхөөрдөм, үзэсгэлэнтэй
Харамсалтай нь би таны сайхан бүхнийг хэрэглэчихсэн
Тэр үнэхээр супер хүчийг эзэмшдэг
Тэр роки-гоос ч илүү хүчтэй
Эмэгтэй хүний эрч хүч
Заримдаа телевизээр гардаг
Дэлхий дээрх хамгийн хүчтэй эмэгтэй
Тэр бол миний ээж
Би сайрхахгүй ээ, Энэ тодорхой зүйл
Хэн ч түүнийг хараад надтай санал нийлнэ
Анхааралтай ажигла, Та харсан биздээ? Энэ бол миний ээж
Та бол миний дэлхий дээрх хамгийн хайртай хүн. Ээждээ хайтай шүү.
Миний ээж намхан болж би ургаж байгаа ч
Миний ээжийн тэврэлт бага болсон ч
Одооноос эхлээд би шийдэмгий байх болно
Одоо л энэ бүхэн эхэлж байна
Би таньдаа үнэтэй цаг авч өгөх чадвар одоохондоо байхгүй байгаа ч гэсэн
Амлаж байна, амлаж байна. Хамгийн сайхан цагийг
Амлаж байна, амлаж байна. Би таньдаа бэлэг болгон өгөх болно
Уучлалт хэрэггүй. Баярлалаа ээжээ
Энэ амралтын өдрөөр юу хийх вэ?
Хамт шар айраг ууцгаая.

Kpop дууны үг. Надтай илүү ойр дуу байлаа. 

100 - 100

   Бүх зүйл 100%-иар үнэлэгддэг. Шалгалтын хариу, чанартай хийсэн зүйлс гэх мэт дүгХэрэв 100% биш 200% гэж байдаг байсан бол хүн бүхэн 200%-д хүрхийн тулд хичээж эхэлнэ. 

Ингээд үзвэл бүгд тогтсон хэмжээг л мэддэг. Тэрнээс давж болно гэдгийг бодож үзээгүй. Зүгээр л 100%-иас чи 200% хүртэл хийж чадлаа хэмээдэг. Нэг ёсны магтаал гэж хэлж болох ч түр зуур л дурдагдаад өнгөрдөг. 

Та бүхэн юу гэх гээд байгааг минь ойлгож байна уу? Хүмүүс тогтмол байгаа хэмжигдэхүүнийг л ашиглана. Хэн ч хэмжээнээс давж сэтгэдэггүй гэсэн үг. Одооноос сэтгэх хэрэгтэй гэж хэлэх гэсэн юм шүү. Энэ чинь эерэгээр сэтгэх урлагын нэг хэлбэр шүү дээ. Сэтгэн бодохгүйгээр бид амьдарч чадна гэж үү??? ххэ. 

ХҮСЭЛ

Хүсэл мөрөөдлийнхөө зүг бид хамт гэсэн

Хэзээ ч бид бие биенээ орхихгүй найз минь

Хэрвээ чиний орон зай энд үгүй болвол

Хамгийн том хүсэл минь зөвхөн чи байх болно оо.

Хэдхэн хоногийн өмнө "Хүсэл"гэдэг нэртэй киног үзлээ. Үзээд уйлсан. Найз гэдэг хүнийг ямар байх ёстойг харуулж чадсан их сайхан кино байна лээ.

Найз гэдэг ядуу хоосон байж болно. Зөвхөн хүн чанартай, чин сэтгэлтэй байхад болно гэдгийг би энэ киноноос маш сайн ойлгож авлаа.

ИнЭЭмСэГлЭл

За байз.... Юу гэдэг билээ дээ. Хөөрхөн болох хэцүү бишээ, зүгээр л инээмсэглэ өөрийнхөөрөө бай. Гээд л  сайхан дуу телевез, радиогоор явж байхыг сонслоо. Хөөрхөн юм аа. 

Энэ жоохон хүүхдүүд. Хайр хүргэм тэр хөөрхөн инээд, дурлах шахам тэр анхилуун үнэр бүгдээрээ гоё. 

Аз жаргалыг түгээх гэж тэд энэ хорвоод бидэн дээр ирдэг байх. Уйлах дуугаараа гэрийн жавар үргээж, инээх дуугаараа  аз жаргал авчирч аргагүй л сахиусан тэнгэр гэмээр тэр хөөрхөн амьтдыг хайрлахгүй байхын аргагүй биз. Монголын бүх сайхан хүүхдүүдэд аз жаргал хүсэе. Тэдний ирээдүй үргэлж сайн сайхан байх болтугай. Монголын минь үрс эрүүл энх аз жаргалтай өсөж том болоосой. 

Баярлалаа

Баярлалаа гэдэг үгэнд асар их хайр шингэсэн байдаг. Мэдээж тэр үгийг чин сэтгэлээсээ хэлж байгаа тохиолдолд юм шүү дээ. Ганц л үг асар их эерэг энергийг өөртөө агуулнам.

ХОРВОО ЕРТӨНЦ ЧАМД БАЯРЛАЛАА. 

Хүйтэн хөндий энэ орчлонг дулаацуулж, дүүргэх халуун сэтгэлтэй хүмүүсийг энд байлгаж байдагт баярлалаа. Миний гарын таван хуруунд багтах тэр нэгэн найз минь "ХОРВОО ЕРТӨНЦ ЧАМД БАЯРЛАЛАА" блогыг хөтөлдөг. http://bayrlala.blogspot.com/?m=1

Найз минь хэн нэгнийг буруутгах гэж биш, доромжлох гэж биш, гомдоох гэж биш сайхан сэтгэл, эерэг уур амьсгалыг бусдад түгээх гэж энэхүү блогыг хөтөлдөг. Хэрэв та над шиг гутранг үзэлтэн бол энэхүү блог руу зочилоод нэг үзээрэй. Гутранг бодлоо хөөн явуул.... Эерэгээр сэтгэх гайхамшиг жинхэнэ энэнд л оршино. Анхаарал тавьсанд баярлалаа. 

Байгаа бүхэн минь.....

Тиймээ. Надад мөнгө байхгүй, бусдад гайхуулхаар сайхан бие хаа байхгүй, бусдыг татах хөөрхөн царай ч байхгүй. Гагцхүү надад хүнд туслах сайхан сэтгэл, өрөвч зан, хүнийг хайрлах хайр л байна.

Энэ хайранд минь алдахыг хүсдэггүй бүх хүмүүс минь орно. 

Хүйтэн хөндий энэ орчлонд хүнээрээ дуусах л хамгийн үнэтэй зүйл гэж бодном.

Архи. ЭНЭ БОЛ ХЭНД Ч ХЭРЭГГҮЙ ХОГ.

Архи гэж юу юм бэ? Хүмүүс яагаад тэрний төлөө амиач өгөхөөс буцахгүй байдаг юм бол? Архи байвал гэр бүл тэдэнд огт хэрэггүй гэж үү?. Архины мөнгөө эхнэрээсээ авахын тулд зодож, харааж зүхэж, уурлаж, хүүхдээ хүртэл зоддог тэр ер нь хүн мөн үү? Амьдралд ямар ч хэрэггүй энэ шингэнийг яаах гэж үйлдвэрлэж байдаг талаар бодоход миний бяцхан тархи эс хүрнэ... АРХИ бурхан минь энэ юунд хэрэгтэй юм бэ? Эхийнхээ гэдсэнд байгаа хүүхдийг цочтол, гэмгүй байсан нэгнийг энэ хорвоогоос явтал, ах дүүс амраг садан бие биенийгээ хороох хэмжээний тэр тийм хэрэгтэй зүйл үү? Хүмүүс ахархан энэ амьдралаа аяга усны төлөө өгч байгааг хархаар сэтгэл өвдөж байна. Хүн амьтнаас ялгарах ганц зүйл нь оюун ухаан гэдэг. Тэгвэл тэр оюун ухаан нь хаачсан болоод өнөөгийн энэ нийгэмд хүн дүрст араатан ихсэнэ вэ??? Энэнд хэн буруутай вэ? 

- Архи үйлдвэрлэж зардаг газрууд уу?

- Архийг гаднаас оруулж ирдэг экспортлогч нар уу?

- Мэдсээр байж ямарч арга хэмжээ авдаггүй улсын дээдсүүд болох малнууд уу?

- Зодуулж нүдүүлж байгаа бяцхан үрс, хөгшид, эхчүүд үү? 

- Эсвэл олдсоноо гударч байгаа тэр алуурчид уу? 

Уншигч та бүхэн энэ асуултнуудад өөр өөрсдийнхөөрөө нэг хариулаад үзээрэй.....

Хатуу ч юм шиг, хахир ч юм шиг энэ амьдралд хүмүүс бид нар жаргах гэж л ирдэг. Энэхэн жаргалын богинохон хугацааг хүмүүс архины хар гайгаас болоод үгүй хийж байна гэж л би хэлэх гээд байгаа юм. Дусал архи ч хүний бие махбодид маш муугаар нөлөөлдөг гэдгийг эрдэмтэд баталсан байгаа.

Энэ хорвоод юуны төлөө амьдарч байна вэ?

Та энэ хорвоод юуны төлөө амьдарч байна...... Би бол мөнгөний төлөө амьдарч байна. Мөнгө бол юу ч биш. Зүгээр нэг цаас гэж бодсон хэдий ч яг үнэндээ урагш нэг алхах тусам мөнгө л хэрэгтэй болох юм. Амьдрахын төлөө сурах хэрэгтэй. Харин сурахын төлөө мөнгө олох хэрэгтэй. Хүний амьдрал залуу байхад мөнгөөр хязгаарлагддаг юм байна гэдгийг л би маш сайн ойлгож авч байна даа. Баян айлын өв залгамжлагч болоод төрчихгүй яааваа гэж хаяадаа нэг боддог. Энэ хорвоод амьдрахын төлөө мөнгө олдог биш амьдарч байгаагаараа мөнгө авдаг бол гоё байхсан даа гэж хүртэл бодох юм. Харин хүн хөгшрөөд ирхээр аз жаргалтай байхын төлөө амьдрахгүй яаавдаа гэж хэлцгээдэг. Мөнгөний төлөө амьдарч байгаад хайртай дотны хүмүүсээ өөрөөс нь холдож байгааг анзаардаггүй хэсэг хүн байхад, аз жаргалын төлөө мөнгийг умартдаг хэсэг бүлэг бас байна. Хамгийн сүүлийн хэсэг бүлэг хүмүүс бол хамгийн их шуналтай гарууд. Яагаад гэвэл тэд мөнгө аз жаргал хоёрыг хоёуланг нь авахыг хүсдэг хүмүүс. Би яг тэр шуналтай хүмүүсийн тоонд нь ороод байна. Та алинд нь орох вэ???

Инээмээр санагдсан үедээ инээж, уйлмаар санагдсан үедээ уйл...

Инээмээр санагдсан үедээ инээж, уйлмаар санагдсан үедээ уйл... Бид чинь амьдарч байна ш дээ. Ц. Одгэрэл. 

Энэ өгүүлбэрүүдтэй санал нийлж байна шүү. Хүмүүс бид амьдарч байгаагаа мэдрэхийн тулд уйлж, инээж баярлаж  байх ёстой юм болов уу даа. 

Яагаад ч юм өнөөдөр дэндүү гунигтай өдөр байна. Надад инээхээс илүү уйлах хүсэл л илүү төрж байна. :)

Хайр....... Дурлал

                                                              

Хүнд хайртай болно гэж яадаг вэ? Яг одоо энэ мэдрэгдэж байгаа мэдрэмжүүд хүнд хайртай болсныг илтгэж байгаа юу?. Уйтгарлана, хоолойг нь сонсхоор баярлана, мессеж бичиж уулзмаар санагдана, дасаж эхлэнэ, харахгүй уулзахгүй байхаар санана. 

Бодохнээ тэр ирэхдээ баярлуулж буцахдаа уйлуулдаг хайр нь ирсэн бололтой. 

Ээж үнэхээр худалч......

Та нар ээжийгээ санадаг уу. Гэнэт би ээждээ маш их гомдмоор санагдчихлаа. Ээж нар ер нь их худалч байдаг юм байна. Ухаан орсон цагаасаа хойш ээжийнхээ худлаа хэлсэн болгоныг эрэгцүүлж нэг бодохоос өөр аргагүйд хүрэв.

Анхны худал үгс нь хэзээ ч юм бэ дээ би жаахан байсийн эмнэлэгт сар гаран хэвтдэг байнга өвчин ороодог хүүхэд байхад минь ээж нь удахгүй ирнээ гээд орхиод явдаг байж. Өдөржин цонхон дээр ээжийгээ харуулдан сахиур ах эгчийн халамж хайранд эмнэлэгийн зовиурт өдрүүдийг эвхэнэ Ажилтай болохоор охиноо сахиж чадахгүй дотроо ямар их шаналж өмөлздөг байсан бол...

Удаах нь 24ийн цэцэрлэгт явдаг намайг орой ээж нь ирээд авнаа охиноо гээд 24ийн 3хан чихрээр хуурчихаад хүрэн пальтогоо дэрвүүлэн эргэж харахгүй явахад нь нар жаргатал ээжийгээ мөрөөдөн 5 хоног тарчилж байхдаа ээж муухай гэж гомддог байж. Нулимсаа надад үзүүлэхгүй гэж эргэж харалгүй явдаг байсныг нь балчирхан ухаандаа би яаж мэдэх вэ...

Эрээнд охиноо газар үзүүлэх гэж дагуулж очоод 1 юаны ундаа зөндөөнийг авхуулаад ээжээ та уух уу гэхээр ээж нь цангаагүй ээ гэж наймааны хэдэн халтар төгрөгөө өөрөөсөө харамладагийг нь мэдэхгүй

Аяга хоолныхоо амттайг нь охиндоо өгчихөөд тогооныхоо ёроолыг хуруугаараа хусаж суухад нь ээж ямар хурдан иддэг юм гэж гайхдаг байж...

Хааяахан хамт явахдаа 7р ангийн том охин болчихоод автобусны 200хан төгрөгтэй байхад нь нэхсээр байгаад зайрмаг авхуулчихаад алхаад харья гэхэд нь ядраад байна гэж урваганаад уйлан шахан хөтлүүлж явахдаа ээжийнхээ дотогшоо өмөлзөхийг мартаж...

Ээжийнхээ шинэ хувцас хэзээ хамгийн сүүлд өмссөнийг шинэ өсгийт хэзээ гишгэсэнийг ээж нь гамтай өмсдөг юм хуучраагүй ээ миний хувцас гэж худлаа ярьсаныг...охин нь мартаагүй ээ....

Хамгийн сүүлд та минь 4 жилийн өмнө 9р сарын7нд ЭЭЖ НЬ НУТАГТАА ЯВААД 7ХОН ХОНООД ИРНЭ.ТЭГЭХДЭЭ ОХИНДОО МОЙЛ ЗӨӨХИЙ ЦӨЦГИЙ АВЧИРНА АА МИНИЙ ОХИН ДУРТАЙ ШДЭЭ. АЖЛАА САЙН ХИЙЖ БАЙГААРАЙ ГЭЭД ХҮЙТЭН АЙМШИГТ ТЭР Л ШӨНӨ ЯВСАН...

ТА ИРЭЭГҮЙ ТА ХУДАЛЧ...

ОХИН НЬ Ч ГЭСЭН ХУДЛАА ЯРИХ Л БАЙХ ДАА ХҮҮХЭДДЭЭ.... Copy

Гашуун үнэн

Үхэх шахам дуртай байсан хүнээ танихгүй юм шиг зөрөх өдөр ирж болох.
Үргэлж дайсагнадаг хүнтэйгээ инээмсэглэн уулзах өдөр байх. 
Үүр цайтал нууцаа ярьсан анд утас ч цохихоо болих. 
Үхүүлэхийг хүсэж байсан хүнээ амьдраасай гэж залбирах. 
Цаг хугацаа өнгөрөхийн хэрээр юм бүхэн өөрчлөгдөнө.

Өнөөдөр үхэх юм шиг амьдар

Өнөөдөр чиний амьдралын сүүлийн. Өнөөдөр 2017.05.04-ний өдөр. Яг одоо шөнийн 02:30 минут болж байна. Би яг одоо энэ цаг мөчид хорвоогоос явах гэж байгаа хүн шиг л нийтлэлээ бичиж сууна. 

Би унтмааргүй байна. Учир нь өглөө сэрэхгүй ч байх юм билүү. Амьдралыг таахын аргагүй шүү дээ. Тэр тусмаа хүний бие махбодыг таахад тун хэцүү..... Унтаж байхдаа зүрхний шигдээсээр нас барахыг хэн байг гэхэв дээ. За за тоглосон юмаа. Түй Түй. Муу ёр ххэ. 

Зүгээр л өнөөдөр их содон өдөр байна. Мартагдсан, сэтгэл зовоосон, аз жаргалтай байсан гэх мэт маш олон зүйл миний толгойд эргэлдээд байна. Энэ бүх зүйлээ би зүгээр л бичмээр санагдсан юм. Гэхдээ би яг одоо унтах ёстой. Амжилтын хамгийн том нууц бол сайн амралт юм гэж нэг зүйл дээрээс уншиж байсан юм л даа. 

Уншаагүй орхисон номны хуудас болгоны тоогоор хүний амь явж байдаг гэсэн. Би амьдралдаа хэзээ ч мартахааргүй тэр том алдааг хиймээргүй байна. Учир нь би ХҮНИЙ ЯСЫГ ТООЛЖ МАХЫГ НЭРЛЭДЭГ ШИНЖЛЭХ УХААНД суралцдаг. Би энэ шинжлэх ухаанд ямар их хайртай гээч....

АМЕРИК. Мөрөөдлийн минь эрдэнэ.

Гайхалтай үзэсгэлэнтэй энэ хотод очиж үзэх бол миний мөрөөдөл. 

Би нэг удаа Монгол HD сувгаар гарсан "Шөнийн ээлжнийхэн" олон ангит уран сайхны киног үзэсний дараа энэ хотод очих мөрөөдөлтэй болчихсон. Энэ л улсад миний мөрөөдлийн ихэнх нь биелэх юм шиг санагдана. Би энэ улсад очих ёстой мэт үргэлж бодогддог. Гайхмаар нь би энэ улсад хайртай. 

Бодолд чинь багтаж байвал биелэх боломжтой гэдэг. Миний бодлын ертөнцөд байна. Тэгэхээр хэзээ нэгэн өдөр явах л болно. Надад саад болох юу ч байхгүй. Энэ миний амьдрал, миний ертөнц. Миний бодол. Би залуу хүн. Тиймээс одооноос надад хичээхээс өөр сонголт байхгүй. Өөдрөг бай. Тэгвэл чи үргэлж хүссэн зүйлээ авна гэдэг шүү дээ....  Бид төгс байдаггүй ч төгс зүйл рүү тэмүүлэх ухамсартай байх л хэрэгтэй.

Оройтсон гэмшил

Хайр ба харуусал. Гайхаж байна. Итгэхгүй байна. Надаас хэзээ ч холдохгүй мэт байсан тэр хүн одоо миний хажууд алга. Уйлмаар байна. Санаж байна. Харах тоолондоо өмнөх шигээ инээмсэглээд очмоор санагдана. Даана ч өмнө минь маш том уул байгаа мэт. Яаж дээшээ авирах учраа олохгүй хий дэмий л ёроолоор нь эргэлдэнэ.

Найз минь хэзээ ч тавихгүй мэт байсан гарыг түрүүлж тавьсан намайгаа уучлаарай. Гомдоож байгаагаа мэдэхгүй тэнэглэсээр маш хол явчихсан байна. Хамт цохилох дөрвөн зүрхний нэг нь байхгүй болохоор үнэхээр чамаар ус агаар мэт дутна. Баясах, баярлах, зугаацах гээд маш олон жаргалтай мөчүүдийг найз чамтайгаа өнгөрүүлжээ. Чи бодож байна уу? Бидний цугтаа өнгөрүүлсэн томоогүйхэн маш олон дурсамжийг....... Би үргэлж боддог.

 Бид амьдарч байна. 

Нэг гаригт, нэг дэлхийд, нэг тэнгэрийн дор оршиж байгаа учраас дөрвөн найз инээмсэглэд уулзах өдөр ирэх байх гэж найдъя. Тэр өдрийг би тэвчээртэйгээр хүлээнэ ээ. Найз минь чамдаа хайртай шүү. Аз жаргалтай байгаарай. Үргэлж инээж байгаарай. 

МАИДСОНК бид энэ удаад......

Үргэлжилсээр...... 

Тиймээ..... Бидний хийж байгаа сайн үүлсийн аян үргэлжилсээр л байна. Дэлхий дээр 7 тербум гаруй хүн байдаг. Харин манай Монголд  3 сая гаруй хүн байдаг нь жоохон харамсалтай.

 .....Бас болоогүй цөөхөн хүн амтай улсын тоонд ордог хэрнээ өөр хоорондоо эвтэй байх нь тун чиг ховор үзэгдэл.

 Ардчилал гэх тодотголтой энэ нийгэмд хүн дүрст араатан ихсэж байгаагийн тод жишээ нь хүүхдийн хорих ангид хоригдож байгаа хүүхдүүд юм. Тэд эд тоглож, хөгжилдөж..... Эцэг эхийнхээ хайранд нь өлгийдүүлэн өсөх ёстой байсан ч хэдийнээ оройтож шорон гэх хар төмрийн цаана нарыг үл харан өсөж томорсоор. Үүний гол буруутан нь тодорхой биздээ... Бид энэ хүүхдүүдийг ийм болгосон хүмүүсийг буруутгах гэж биш харин тэдний үлдсэн амьдралд баяр баяслыг авчирхаар энэ удаагийн сайн үйлсийн аянаа эхэлж байгаа. 

Тэд шорон гэх ертөнцөд тусгаарлагдан амьдарч байгаа ч тэд бол Монголын ирээдүй. Засаад, чиглүүлээд, заагаад өгвөл тэд сайхан амьдрана. Учир нь тэд бол хүүхдүүд. Та ч хүүхэд байсан. Боддоо.... Та алдаж л байсан байж таараа. Алдаа гаргадаггүй хүн гэж байдаггүй юм. Харин алдаагаа ухаардаг хүн гэж л байдаг юм. 

Бурхан гэж байдаг бол та тэнд байгаа хүүхдүүдэд тус болоорой. Магалгүй ирээдүйн эмч, пропессор, ерөнхийлөгч, нобелийн шагналын эзэд байх ч юм билүү. Хэн мэдлээ... :) Амьдралыг таахын аргагүй.

БУРХАН БОЛООД ЭРЛЭГТ ХЭЛЭХ ҮГ. Өвөөгөө дурсахуй.....

Бурхан минь таны оронд бөөн бөөн бурхад байхад
Буянт буурал ааваар минь таны орон дутаа юу
Буурал хорвоогийн жамаар өтгөс буурлууд өндөр наслаад
Буцаад явахдаа танайд хотолдог нь яамай даа.

Бүрлээч болсон хүмүүсийг хар цагаанаар нь дэнслэдэг үү
Бурхан, эрлэг хоёр буруу зөвийг нь шүүдэг үү
Дэнсэлж, жигнэсэн хойноо дээд тэнгэрт залдаг уу
Диваажин там хоёрын ялгаа нь юу юм бэ?

Замбуу тивд аав минь мөрөөрөө л хүн байсан
Загнаж, жанчих нь ч ховор ч харцаараа л үгээ хэлчихдэг
Зургаан сайхан үр удмаа миний л ээжид тэврүүлсэн
Залуу ч явсан, мандаж ч явсан миний л аав минь

Зулын өмнө та минь зураг болон үлджээ
Нэрийн минь өмнө та овог болон мөнхөрч дээ
Бидний зүрхэнд мөнхийн гал болон бадамлаж
Буруу зөрүү явахыг минь тэндээс л тунгааж байгаа даа

Бурхан минь та диваажингийнхаа
Баян бүрд цогцолсон тансаг цэцэрлэгтээ
Буурал аавыг минь тайван нойрсуулж
Буцаад бидэнд төрүүлж хайрла.

Аав......

Хатуухан хэлдэг ч цаанаа бас л зөөлөн дулаахан, үрийнхээ аз жаргалтай байхыг хархаас илүү зүйл хүсдэггүй тэр хүнийг ААВ гэдэг. Энэ хатуу хорвоод хүнд гэсэн болгоныг туулж өдий зэрэгт өсгөж аав таньдаа охин нь баярлалаа. Энэхэн амьдралын богинохон хугацаанд охин нь сайн явж олон хүний амь насыг аварч таньдаа аз жаргалыг авчирна гэдгээ амалж байна. 

Гаднаа инээж нулимсаа дотроо залигдаг аав танийгаа охин нь үргэлж шүтэж амьдрах болно оо. 

Тиймээ.... Бурханаас гуйгаад олдохгүй хоёр ихэр дүүтэй болгож өгсөнд үнэхээр их баярлалаа. Гурван үр нь сайхан амьдрана аа. Ядраад ирэхэд инээмсэглэн угтах гурван үрдээ урт насалж хайрлаарай.... Ааваа.

Өөртөө итгээд нэг үзчих. Чамд алдах юм байхгүй.

Хүн болгонд өөрсдийн гэсэн авъяас чадвар, өөрсдийн гэсэн мөрөөдөл, өөрсдийн гэсэн орон зай, алдар нэр байдаг. Гэхдээ энэ дундаас өөрсдийгөө олсон, мөрөөдлөө олсон, авъяас чадвараа нээж хөгжүүлсэн хүмүүс цөөхөн байдаг. Жишээ нь би. 

Би гэхэд одоо Анагаахын оюутан. Анагаахад ороод 2 жил болж байна. Би энэ сургуульд хичээж, зүтгэж орж ирсэн. Хэн нэгний хүсэлт шаардлагаар бус гэсэн үг. Хүнийг анагаадаг, хүнтэй хамгийн ойр харьцдаг тэр мэргэжилийг эзэмшиж байгаадаа би баяртай байдаг. 

Гэвч......

Би заримдаа шантардаг, үнэхээр их шантардаг. Ингэж шантарсаар байгаад энэ мэргэжил надад таалагдахаа больчих вий!!! гэдгээс илүү их айдаг. Ингэж айх айдас яагаад ч юм намайг ялан дийлж намайг бага багаар мөрөөдөлгүй болгоод байх шиг санагдана. Үүнийг би өнөөдөр л дүгнэн бодож ойлголоо. 

Хорвоо дэлхийн бүх хүмүүс өөр өөрийн гэсэн хийж чаддаг зүйлтэй байх. Ядахнаа хамгийн сайн чаддаг ганц зүйлтэй байлгүй л яахав... Харин надад бол нэг ч байхгүй. Та бүхэн итгэхгүй л байх. Би одоогоор зүгээр л урсгалаараа амьдарч яваа их сургуулийн оюутан. 

Та бүхэн гайхах байх.  Гэхдээ надад хөгжүүлээгүй далд авъяас зөндөө бий. 

- Би хөгжим тоглодог. Төгөлдөр хуур, гитар

- Дуу дуулдаг 

- Ширээний теннис, гар бөмбөг тоглодог

- Илтгэл тавьдаг

- Зураг бас зурчихдаг. 

Энэ олон зүйлийг би бүгдийг нь анхлан суралцагчийн хувиар хийдэг. Эдгээрийг би арван жилд байх үедээ сурах гэж оролддог байсан. Дахин оролдоогүй 2 жил өнгөрч. Энэ миний урсгалаараа яваагийн нэг том жишээ. Би мэргэжилийн түвшинд сурч чадах байсан ч би тэгээгүй. Их тэнэг байгааз....

Би өмнө нь их олон зүйл боддог гэж хэлж байсандаа. Энэ бодлууд дунд өөрчлөгдөх юмсан гэсэн бодол миний толгойд байнга эргэлддэг юм. Өөрчлөт хийе, ингээд үзье, тэгээд үзье гэж бодох биш бас хэд хэдэн удаа оролдож үзээд бүтэлгүйтсэн нь саашаалтай хэрэг юм байна. Огт оролдож үзээгүй хүнээс нэг алхамаар түрүүлж явна гэсэн үг. Харин би энэ удаад нэгэн хаалганы урд зогсож байна. Хаалганы цаана юу байгааг мэдэхийн тулд би онгойлгож үзэх шаардлага гарна.Үзэхгүйгээр таамаглах арга байхгүй.  Яг надтай адилхан далд авъяас чадвараа хөгжүүлж чадаагүй байгаа хүүхэд залуус байвал өөрийнхөө ертөнцийг бүтээх цаг чинь аль эрт болсон байна гэдгийг хэлье. ЗОРИГ гаргаад оролдоод нэг үз. Харин би оролдоод үр дүнг нь харах төлөвлөгөөтэй байгаа. ЗҮГЭЭР Л ИТГЭ ТЭГЭЭД ЯЛ. Би яг одоо өөртөө итгэлтэй байна. Шантрах эрх надад байхгүй. Учир нь би их олон шантарсан. Одоо бол үгүй. Чи ийм л хүн. Чи ингэж л амьдрах ёстой гэж хүмүүсийн хэлдгийг би хүлээн зөвшөөрөхгүй. Хэрэв чи хүсвэл хувь тавьлангаа хэзээд өөрчилж болно. Гол нь чамд юу хэрэгтэйг мэдэж байна уу? Би чадна гэсэн итгэл л байхад хангалттай. Надтай адил олон шантарсан бол одоогийн оролдлогоороо заавал үр дүнд хүр. Унших номоо гаргачаад; хараад байвал чи уншиж дуусгаж чадахгүй. Дуусгахын тулд чи нээх  хэрэгтэй юм. Өөрийгөө өөрчлөхөд чи элдэв арга хайх хэрэггүй. Хүсэх л юм бол чи хийж чадна. Үүнд л итгэ. Дахиад нэг хэлье. Итгэ тэгээд өөрийнгөө ялан дийл. Тэгвэл чи өөрөөрөө бахархах болно.  

Жич: Нэг зүйлийг санаж яв. ЧИ ЮУ Ч ХИЙСЭН, ЯМАР Ч ҮР ДҮН ГАРСАН ХАМААГҮЙ. ЭНЭ ЧИНИЙ АМЬДРАЛ. ЧИНИЙ ЕРТӨНЦ. Өөрийнхөө ертөнцөд хаана нь баймаар байвал урсгалаар биш сөрж амьдар..... Thanks... 

Мөрөөдөл

Мөрөөдөл

Мөрөөдөл ер нь их сайхан зүйл юм шигээ. Би мөрөөдөл гэх бодолдоо амьлуулсан ертөнцдөө өөрийнхөөрөө байж чаддаг болохоор би мөрөөдөх дуртай. 

Хүмүүс шаналж, шархалж, айж цөхөрч, арга тасарсан тэр үед л энэ ийм байвал гоё, тэр тийм байвал гоё хэмээн мөрөөднө..... Харин би ямарч үед үргэлж мөрөөдөж байдгаараа бусдаас ялгагддаг. Нэг хүн надад хэлсэн юм. Гайхамшиг чамд учраагүй ч чи бусдад гайхамшиг болж болно. Энэ үг надад үнэхээр их зүйл бодогдуудсан. Тиймээ надад миний гайхамшиг энэ гээд хэлчихээр тэр зүйл огт байхгүй. Харин би өөрийн блогоороо дамжуулж хэн нэгний гайхамшиг нь болмоор байгаа учраас би өнөөдрийн энэхүү нийтлэлийг оруулж байна. 

Би амьдралд гомдож өөрийгөө олохгүй байгаа хэсэг бүлэг хүмүүст энэхүү нийтлэлээ зориулж бичлээ. Чи ядуу байж болно, өвчтэй ч байж болно. Надад чиний хаана амьдардаг, хэдэн найзтай, өндөр нам, өргөн бүдүүн, царайлаг царай муутай, эцэг эх чинь юу хийдэг ямар хүмүүс байх нь огт хамаагүй. Гол нь чи хүн байх нь л надад  хамаатай. Чи амьд л байгаа бол бурханд таларх. Харин эрүүл саруул байвал ээж аавдаа таларх. Харин чи хэн нэгэнд гомдож суугаа бол өөртөө таларх. Учир нь чамд замын ноход хэрэггүй. Чи аль хэдийн өөрт хэрэггүй нэгнийг хаян өөрийнхөө ачааг хөнгөрүүлсэн байна. Одоо юуг хүлээж сууна вэ? чамд гар хөл гээд хүнд байх ёстой бүх юм байна. Одоо зүгээр л үзгээ аваад бич. Чамд юу хэрэгтэй байна вэ? Чи юуг хайж байна вэ? Чи ТЕРБУМ доллартай болвол аз жаргалтай байх уу? Харин чиний ЭЭЖ энэ хорвоогоос явчихвал чи аз жаргалтай байх уу? Тэр мөнгө гээч чинь чамд аз жаргалыг өгөх үү? гээд өөрөөсөө нэг асуугаад сайтар бодоод хариулаад үзээрээ...... Хариулж дуусвал чи өөрийгөө олно. Өөрийгөө олвол чи мөрөөдөж эхлэнэ. Мөрөөдөж эхэлвэл чамд зорилго гарч ирнэ. Харин зорилготой байвал чи ажилж эхэлнэ. Ажилж эхэлвэл чиний хайгаад байгаа зүйл чамд олдоно. ЭЦЭСТ нь мөрөөд. Ямар ч цаг үед мөрөөдөөд л бай. Гол нь хийж эхлэхгүйгээр мөрөөдвөл тэр чинь зүүд зэрэглээ болон хувирна шүү...... Энийг маш сайн анхаар. Мөнгө бол чиний өмнөө тавьсан зорилгоо биелүүлэхийн төлөө хэрэглэх хэрэглээ гэдгийг ухаар. Өөрийгөө олон мөрөөдөж эхэлсэн таньд амжилт хүсье...... :) Мөрөөдөлдөө хүрэх зам тань дардан байг. 

Өндөрт гарах хүсэлтэй хэн бүхэнд.....

Би огт ойлгохгүй байна. Гомдоллодог хэрнээ тэд өөрчлөгддөггүй.Тэвчишгүй нь гэдэг хэрнээ тэндээ үлддэг. Хаана байгаадаа харамсдаг хэрнээ яг тэндээ л эргэлзсээр үлддэг. Нөгөө л амьдрал, нөгөөл нөхөд, нөгөө л баар.

Тэд амжилтыг хүсдэг. Тэгсэн атлаа гараа ч хөдлөгдөггүй. Амжилт алдар нэрийг тэд мөрөөддөг. Тэгсэн хэрнээ түүнийхээ төлөө юу ч хийдэггүй. Хумсын төдий ч, хуруугаач хөдөлгөдөггүй. БИ ОЙЛГОХГҮЙ БАЙНА. ЯАГААД??????? Өндөрт гарнаа гэж тэд ярьдаг. Тэгвэл.... нэг л юмаа давтаад л  байвал.... Үр дүн нь ч гэсэн огт өөрчлөгдөхгүй. Энд төвөгтэй юм байхгүй энгийн л хар ухаан. Том өөрчлөлт хүсэж байна уу?? Тэгвэл том алх!

Зориг зүрхтэй хөдөл. Зорилгынхоо төлөө тэмц.Чиний хөлс дусална. Зарим найзуудаач алдана. Гэхдээ золиос үргэлж байдаг.

Харин чи тэгж чадах уу??? Энэ чиний байх ёстой газар биш. Илүү потинциал чамд бий. Илүү өндөрт хүрэх хүч бий. Эрсдэлээс юундаа чи зүрхшээгээв??? Ганц хоёр алдах ямар хамаа байна. Харин хий гэж зориглохгүй бол чи сүйрнэ. Тэр чинь амьдрал биш үхэхээ л хүлээж байна. Үхэл чамруу өдөр өдрөөр дөхнө. Зорилгоосоо шантарч ухарвал үлдсэн амьдралаа чи тэгж л өнгөрөөнө. Гэтэл боломж тэнд байгаал байгаа. Хүрэх зам нээлттэй байгаа.

Тиймээ.... Хэцүү байх болно. Гэхдээ үр дүн нь амттай. Энэ бүхний ард гарчихаад ингэж хэлж байна гэж төсөөлдөө. 'Намайг харцгаа' БИ ЧАДСАН. БИ НЯЦААГҮЙ. Хэнч итгэхгүй байхад би өөртөө итгэсэн. Амьдарлаа би л бүтээнэ. Энэ хөлгийн ахмад нь би. Мөрөөдлийнхөө найруулагч нь би.

Өөрөөрөө бахархаж яг тэр мөчийг төсөөл. Би хийж чадсан гэж хэлэх тэр омогшил. Чи л үүнийг бодит болгоно. Нэг л юмыг бүү март. БОЛОМЖГҮЙ ЗҮЙЛ ГЭЖ ҮГҮЙ. Бүх юманд боломж бий. Гол нь ЧАДНА гэх ИТГЭЛ л хэрэгтэй.

Би огт ойлгохгүй байна. Яагаад би хичээж болдоггүй юм??? Эцсийг нь үзэж чаддаггүй юм??? Үхлээ хүлээх амьд үхтэл болдог юм??? ГАНЦ Л АМЬДРАНА ШДЭЭ гэж тэд ярьдаг. Гэхдээ зөв амьдрал ганц л байхад хангалттай. Үнэн гэвэл тэр...

Олон хүн үүнийг уишилгүй өнгөрч байгаа. Бүрэн анхаарахгүй байгаа хүмүүс ч бий. Тийм хүмүүс тэндээ л үлдэцгээнэ. Нэг л өдөр бүх юм оройтсон байх болно. Хувь тавилан тэдэнтэй нүүр тулна.

Потинциалдаа хүрэх гэж хичээхгүй байхаас дор амьдрал би мэдэхгүй.Амьдралаас өгөх боломж бүрийг ашигла. Тэгвэл чи үхэх өдрөө өөртөө харамсахгүй.

Өөрийгөө тайвшруулах бяцхан арга

Би ер нь сэтгэлийн хөөрөл ихтэй хүн л дээ. Зүгээр байж байгаа л уурлах, уйлах, инээх, гуниглах гээд 5 минутанд олон янзын сэтгэл хөдлөлийг илэрхийчихдэг. Бодоод байхад өнгөрсөн асуудал, муухай дурсамжууд, одоо тулгараад байгаа асуудлаасаа салж чадахгүй байгаа хүн л ингэж их сэтгэл хөдлөлийг гаргадаг болов уу гэсэн бодол нэгэн орой толгой дэлсээд авлаа. Би энэ асуудлыг шийдхийн тулд оюутан ангийн гурван найз охиноо оруулсан чат нээсэн юм. Сошиал ертөнцийг бас өөрт болон найзууддаа хэрэгтэйгээр ашиглаж болох санаа юм... 

Миний  нээсэн чат Сэтгэл зүйч Мөнхгэрэл овогтой Өнөрцэцэг гэдэг нэртэй. Энэ Өнөрцэцэг гэдэг хүн манай гурван охины нэг нь. Бид гуравтаа л хөөрхөн сэтгэл засах зөвөлгөөг өгөөд л байдаг юм даа. Би яг л жинхэнэ сэтгэл зүйчтэй ярьж байгаа мэт төсөөлж чат бичдэг. Тог тог гээд хаалга тогших нь хүртэл яг л бодитоор хийж буйг илтгэх шиг болсондоо. Ингээд бидэн гурав нь ээлжлэн энэ хүн дээр орж хамаг асуудлаа ярин тэрхэн зуур бас тайвширлыг мэдэж чадсан юм. Та бүхэн ч гэсэн нэг туршаад үзэхэд алдаад байх зүйлгүй л байх. Гол нь өөрийнхөө хамгийн их итгэдэг хүмүүстэйгээ чат нээх хэрэгтэй шүү. Бас тэднийгээ миний найз, миний эгч, миний ээж, аав... гэж бодолгүй сэтгэлзүйч хэмээн төсөөлж хүндэтгэлтэй ярих хэрэгтэй болов уу?? Илүү зугаатай сонирхолтой бодитой болж өгдөг гэдгийг хэлэхэд илүүдэхгүй биз. 

Бид чинь залуу халуухан, унаж босдог энэ насандаа хэрэггүй зүйл хийж өнгөрөөхөд дэндүү хайран биш гэжүү. Амьдрал богинохон шүү найзуудаа. :) ;)